Mchuzi wa viazi wenye minti

Chukua sufuria kubwa. Weka kwenye hilo sufuria viazi mviringo, chumvi kiasi, pamoja na maji, kisha chemsha kwenye jiko lenye moto wa wastani kwa muda wa dakika 20, au hadi utakapo ona vimeiva.

Epua na umwage maji yote yaliyomo kwenye sufuria na kubakiwa na viazi peke yake, kisha acha vipoe.

Menya maganda ya viazi hivyo, kisha vikate katika vipande vidogo vidogo.

Chukua mashine ya kusaga (blender). Weka kwenye hiyo mashine ya kusaga, vitunguu maji, tangawizi, vitunguu swaumu, majani ya minti, pamoja na nazi, kisha saga hadi utakapo ona mchanganyiko huo umesagika vizuri na kuwa laini.

Weka mbegu za giligilani pamoja na binzari ya manjano, kisha saga hadi utakapo ona mchanganyiko huo wote umechanganyika vizuri.

Chukua sufuria kubwa lenye vijiko 2 vya chakula vya mafuta ya kupikia na uliweke kwenye jiko lenye moto wa wastani, kisha acha mafuta yapate moto. Weka kwenye hilo sufuria binzari nyembamba pamoja na viazi mviringo, kisha kaanga huku ukikoroga mara kwa mara kwa muda wa dakika 3 mpaka 5, au hadi utakapo ona viazi vimebadilika rangi na kuwa na rangi ya kahawia. Ondoa viazi hivyo kwenye sufuria na uviweke pembeni kwenye kontena.

Weka vijiko 2 vya chakula vya mafuta ya kupikia yaliyobaki kwenye sufuria hilo hilo, kisha acha mafuta yapate moto. Weka mchanganyiko wa vitunguu maji ulio usaga, kisha kaanga huku ukikoroga mara kwa mara kwa muda wa dakika 8 mpaka 10, au hadi utakapo ona mchanganyiko huo umebadilika rangi na kuwa na rangi ya kahawia.

Weka viazi ulivyo vikaanga, ½ kijiko cha chai cha chumvi, pamoja na vikombe 3 vya maji halafu koroga vizuri, kisha funika sufuria na uache ichemke kwa muda wa dakika 5 mpaka 7, au hadi utakapo ona viazi vimekuwa laini na mchuzi umekuwa mzito.

Weka majani ya minti ya unga pamoja na garam masala halafu koroga vizuri, kisha epua na upakue kwenye chombo safi, tayari kwa kula.